"പ്രിയനേ നീ.."

ചിറകറ്റു വീണിട്ടും

തമസിന്റെ ലോകത്തൊരറ-

കെട്ടിയളയിട്ടിരുന്നിട്ടുമെന്‍

നഗ്നത തേടുന്ന കരിനിഴല്‍

ഭൂതങ്ങള്‍,നിശയിലും

നിദ്രാവിഹീനമാം

വിഹ്വലയാമങ്ങള്‍,

നിശബ്ദമായ് തേങ്ങിയൊ-

ന്നോടിയൊളിക്കുവാന്‍

ഉഴകണ്ണു പായിച്ചോരാ-

യിരം കനവുകള്‍.

ഈ സ്വത്വസത്വബോധങ്ങളെന്നെ

മൃതിയിലേക്കാഴ്ത്തുമ്പോള്‍
നിന്നിടനെഞ്ചു ചേര്‍ന്നൊന്നു
പൊട്ടിക്കരയുവാനിയെന്നു വരും

എല്ലുന്തിച്ചടച്ചൊരാ

മാറത്തെനിക്കായൊരി

ത്തിരിയിടം മാറ്റിവച്ചിനി

എന്നു വരും പ്രിയനേ നീ

എന്നു വരും, നിന്‍ സഖിയെന്നെ

മാറോടണച്ചീ കണ്ണീരൊപ്പുവാന്‍.
സ്നേഹ സാന്ത്വനമായ്‌
എന്നെയുറക്കുവാന്‍...